| خدا کا نور بن کے مصطفیٰﷺ صلِّ علیٰ آئے |
| مبارک آمنہ بی بی تِرے گھر مصطفیٰ ﷺآئے |
| اجالا ہی اجالا ہو گیا ہر سو زمانے میں |
| عرب کی سر زمیں پر جب حبیبِ کبریا آئے |
| زباں پر ربِّ ہب لی امتی امت کا غم لےکر |
| قسم اللہ کی دنیا میں محبوبِ خدا آئے |
| فلک پر ماہ پاروں میں زمیں پر آبشاروں میں |
| ہے جلوہ چار سو جن کا وہی جلوہ نما آئے |
| فرشتوں کی جماعت دست بستہ پیشِ خدمت ہے |
| حلیمہ گھر تِرے جب سے محمد مصطفیٰﷺ آئے |
| جہاں کی بیٹیاں کہتی ہیں یہ فرطِ مسرت سے |
| ہماری زندگی بن کر شہِ جود و سخا آئے |
| یتیموں غمزدوں کو اب سنا دو ! جانفَزا مژدہ |
| مبارک آ گئی ساعت سنو ! خیر الوریٰ آئے |
| ہرن بھی مسکرا کے اے تصدق ! یوں لگی کہنے |
| چھڑانے قید سے مجھ کو مِرے مشکل کشا آئے |
معلومات