کس زباں سے کریں بیاں انکے |
دن جو گزرے تھے درمیاں انکے |
گرد آلود ہے فضا میری |
کتنے اجلے ہیں آسماں انکے |
چاند تارے زمین کیا سورج |
جو ہوئے ان کے سب جہاں انکے |
چھوڑتے ہیں کہاں مجھے تنہا |
جب نہیں ہوں کوئی گماں انکے |
ان کی قربت کی مہربانی سے |
مہر باں مجھ پہ مہرباں انکے |
دیکھ کر دل بجھا سا جاتا ہے |
ان کے اعمال اور بیاں انکے |
بات ہے وقت وقت کی ہم بھی |
ان کا دل تھے جگر تھے جاں انکے |
وقت پر کام اک حبیب آیا |
ورنہ کتنے تھے مدح خواں انکے |
معلومات