| آؤ کچھ دیر یہاں میری کہانی سن لو |
| میں جو لکھ ہی نہ سکا آج زبانی سن لو |
| میرے ماضی کی کہانی ہے بدل جائے گی |
| اس سے پہلے کہ یہ ہو جائے پرانی سن لو |
| نقطے ملتے ہیں ہر اک بار بکھر جاتے ہیں |
| جو بُنی اس دفعہ وہ جادو بیانی سن لو |
| تم بھی اب پوچھو گے کہ پیار ملا یا کہ نہیں |
| مجھ پہ آئی نہ کبھی ایسی جوانی سن لو |
| آج تک سنگ کا ملبوس ہی اوڑھے رکھا |
| اور سچ یہ ہے کہ اندر سے تھا پانی سن لو |
| سارے کردار کہانی کے نبھائے میں نے |
| پردہ گر جائے گا تو ختم کہانی سن لو |
معلومات