| ہے موسمِ فراق، علامات ہیں خراب |
| کیا وجہ بے دلی ہو، وجوہات ہیں خراب |
| لمحات ہیں خراب، یہ دن رات ہیں خراب |
| بس اتنا جان لیجیے کہ حالات ہیں خراب |
| وہ دور ہے کہ لفظِ وفا بھی ہے زیرِ رم |
| لیلیٰ و قیس ہیں کہ خیالات ہیں خراب |
| اُس شہرِ مست ناز کا میں حال کیا کہوں |
| جذبات ہیں خراب مدارات ہیں خراب |
| رہروۓ دشتِ شوق ذرا ہوش سے گزر |
| اِس بستئِ سراب کے حضرات ہیں خراب |
| ہاتھ اٹھتے ہیں دعا میں مگر وصلِ خوار کو |
| مجھ انسِ شیخ خُو کی مناجات ہیں خراب |
| وہ پاسدارِ عہدِ وفا بھی بچھڑ گیا |
| اہلِ خرد کی ریت روایات ہیں خراب |
| بچھڑے تو روۓ کب، دلِ خستہ سے ہنس دیے |
| اس چشمِ اشک بار کے اوقات ہیں خراب |
| مطلوب بوسۂِ لب و عارض ہے صدقے میں |
| ہم ایسے خاکسار کی حاجات ہیں خراب |
| اور یہ دلِ متاعِ فسردہ کو کیا خبر |
| ہے جس فسردگی میں وہ لذّات ہیں خراب |
| شورش ہے، شر ہے ، خوۓ فریب و جفا ہے زیبؔ |
| دنیاۓ خار و خس کے کمالات ہیں خراب |
معلومات