| غزل |
| عشق میں نقشِ کفِ پإ ہیں ستارے سارے |
| اِک قَدم دُور ہیں امکاں کے کنارے سارے |
| عِشق اِن کو بھی یقیناْ ہے کِسی ہَستی سے |
| مست رقصاں ہیں جو گَردُوں میں ستارے سارے |
| دل، جگر، جان، مری جان تمھارے سارے |
| تم بصد شوق جتاؤ یہ اجارے سارے |
| زُلف رُخسار پہ چُومے وہ پَسِ گُوش کریں |
| دِل سمجھتا ہے پَسِ پردہ اِشارے سارے |
| آپ سبزے پہ بصد نَاز چلیں گُلشن میں |
| دیکھتے ہیں اُنہیں پُر رَشک نظارے سارے |
| تیس پر چار برس بیت گئے ہیں ہمدم |
| خشک و تر خوب محبت سے گزارے سارے |
| بھوک و افلاس سے ہم کیسے لڑائی لڑتے |
| جب ملوث ہیں خیانت میں ادارے سارے |
| دل فراموش شہاب اس سے نہیں ہے ہرگز |
| شعر الہام کرے، دل پہ اتارے سارے |
| شہاب احمد |
| ۱۸ ستمبر ۲۰۲۵ |
معلومات