| یہ راحتیں مسرّتیں جو آج ہیں تو کل نہیں |
| یہ عارضی ہیں لذّتیں جو آج ہیں تو کل نہیں |
| یہ عالی شان مرتبہ یہ گاڑیوں کا کارواں |
| ہمیشہ کب رواں رہیں جو آج ہیں تو کل نہیں |
| دِکھانے ہی کی چاہتیں ضرورتوں کی دوستی |
| کبھی بنیں گی حسرتیں جو آج ہیں تو کل نہیں |
| ہے جاہ و عزّت و وقار جو ملا ہے چار دن |
| سبھی ہیں یہ امانتیں جو آج ہیں تو کل نہیں |
| یہ صحت اور سلامتی عطا ہوئی ہے اب تلک |
| مگر سدا کہاں رہیں جو آج ہیں تو کل نہیں |
| چبا رہے ہیں دانت جو دکھا رہی ہے آنکھ جو |
| سدا نہیں یہ نعمتیں جو آج ہیں تو کل نہیں |
| نظر یہ سب جو آئے تو یہ سوچتے رہا کریں |
| سب اس کا شکر تو کریں جو آج ہیں تو کل نہیں |
| ازل سے ذات ایک ہے رہے گی بس وہی سدا |
| خدا کے سامنے جھکیں جو آج ہیں تو کل نہیں |
| ہے طار ق عارضی سفر جو چل پڑے پہنچ گئے |
| یہاں قیام کب کریں جو آج ہیں تو کل نہیں |
معلومات