| مرے قریں نشست پر تُو جب ہوئی براجماں |
| تری حسین آنکھ میں لگا کہ گُم ہے آسماں |
| ترا وجودِضَوفِشاں |
| کہ ہے یہ گنجِ شائگاں |
| مجھے لگا |
| سِتارگاں کی روشنی کہ شربتوں کی چاشنی |
| ترے بدن میں ضَم ہوئی |
| تو رونقِ اِرَم ہوئی |
| مجھے کچھ اس طرح لگا |
| کہ ہم ہوں جیسے خلد میں |
| جہاں کی حورِ عین تُو |
| جہاں کا میں ہوں مرُزَباں |
| مجھے لگا |
| ہیں پاک ہم حُدود سے قُیود سے |
| ہیں رونقیں سبھی یہاں |
| ترے مرے وجود سے |
| یہ صدرِ زیرو بم جو ہے بدن کا پیچ و خم جو ہے |
| یہ خوب ہے کمال ہے |
| مجھے لگا سُبو ہے یہ |
| مجھے لگا سِفال ہے |
| مجھے لگا بدن ترا یہ انجمن ہے رقص کی سُرود کی |
| مجھے لگا کہ نہر ہے |
| یہ انگبیں یا دودھ کی |
معلومات