| ہے دل میں بے قراری سرکار کے لئے |
| جیسے رواں ہے گردوں دیدار کے لئے |
| ثانی نہیں ہے کوئی رَبّ کے حبیب کا |
| جس نے سجائے عالم دلدار کے لئے |
| واحد خدا خلق کا یکتا لبیبِ رب |
| اعلی ہیں سارے رتبے من ٹھار کے لئے |
| اس میں بیاں مکمل روداد خلق کی |
| قرآں ملا جو اُن کو افکار کے لئے |
| نَشْرَح کی ہے بشارت جانِ جہان کو |
| سینہ کھلا ہے جن کا اسرار کے لئے |
| بَن کر گدا ہیں آتے آقا کے در پہ شاہ |
| لمبی قطار میں ہیں دربار کے لئے |
| ان کے جمال سے ہے کونین میں ضیا |
| ہیں سائلوں میں نُوری دربار کے لئے |
| تریاق نامِ احمد امراض کی دوا |
| جس میں شفا بڑی ہے بیمار کے لئے |
| گھیرا ہے مُشکلوں نے ضعفِ نگاہ میں |
| مَن میں ہوا اٹھی ہے غمخوار کے لئے |
| کردیں عطا جو چاہیں قاسم رسول ہیں |
| کچھ بھی کہاں ہے مشکل مختار کے لئے |
| ہو ذہن مسلماں کا راہِ صراط پر |
| امت بنے مثالی اغیار کے لئے |
| ایجاب ہو اے مولا محمود کی دعا |
| بے کل ہے رات دن یہ دیدار کے لئے |
معلومات