| کَرم کی نَظر ہو رَسولِ مُعَظَّمؐ |
| خدا کے تُمہیں ہو حَبیبِ مُکَرَّمؐ |
| اَزل سے ہُوئی یہ حَقیقت مُسَلَّم |
| تُمہیں جانِ عالم, تُمہیں شاہِ عالم |
| نہ کوثر کی خواہش نہ اَرْمانِ زم زم |
| پیاسے ہیں شاہاؐ! تِری دید کے ہم |
| محمدؐ محمدؐ پُکارو ہَمہ دم |
| یہی نام ٹوٹے دِلوں کا ہے مَرہَم |
| کَرم یا محمدؐ, کَرم یا محمدؐ |
| کَرم اے کہ مَحْمُود و جَوَّاد و اَرْحَم |
| شَہاؐ! تیری اُمت پہ مشکل پَڑی ہے |
| کَرم ہو کَرم یا شَفِیعِ مُعَظَّم |
| بس اِک اشک نکلے گا چشمِ نبیؐ سے |
| ہو جائے گی ٹھنڈی دہکتی جَہَنَّم |
| اِمات مِیں دیکھو, نُبُوَّت مِیں دیکھو |
| علیؑ ہیں مُقَدَّم, نبیؐ ہیں مُقَدَّم |
| حُسینؑ و حَسنؑ کا دِیا ہم نے صدقہ |
| وَگرنہ کہاں بخشے جاتے جَرائِم |
| رَواں ہے حَبیبِ خدا کا ہی سِکّہ |
| عَرب ہو عَجم ہو کہ پُورب کہ پَچَّھم |
| بُرے وقت کو دور کرنا ہے شاہدؔ؟ |
| کریم آقاؐ کو یاد کر میرے ہمدم |
معلومات