سوالی نے نامِ نبی جب پکارا |
طلاطم نے اس کو دیا ہے کنارا |
کرو گے صدا گر درِ دلربا پر |
ملے گا خدا سے مکمل سہارا |
انیسِ غریباں وہ دانی کرم کے |
ہیں ٹھنڈک نگہ کی دلوں کا سہارا |
حسیں در نبی کا ہے ارماں میں مولا |
ندا سے ہے کہتا غموں کا یہ مارا |
ملی سانسیں ہستی کو خاطر میں جن کی |
نبی وہ ہمارا دل و جاں سے پیارا |
درود ان پہ دائم جو بھی ورد کر لے |
نہ پھر ہو کبھی وہ صعوبت کا مارا |
ملے تم کو محمود ان کی توجہ |
فروزاں رہے تیرے طالع کا تارا |
معلومات