مجھ کو الجھن سی ہوئی تھی اس اندھیری رات میں |
ایک جھگڑا ہو گیا تھا عقل اور جذبات میں |
عزت و ذلت کی مجھ کو فکر بھی رہتی تو کیا |
مجھ کو اپنا بھی نہیں تھا ہوش ان لمحات میں |
مانتا ہوں میں کہ وہ سب جھوٹ کہتا ہے مگر |
ایک لذت سی تو ہے اس شخص کی ہر بات میں |
آج تک اس شہر کی خوشبو کو ہوں پہچانتا |
چند دن میں نے گزارے تھے کبھی گجرات میں |
اب مجھے اپنا بنانے کی نہ کر تُو کوششیں |
اب اسامہ ہے نہیں صاحب تری اوقات میں |
معلومات