| جو بھی مانگے میرے سرور دیتے ہیں |
| منگتے کو وہ جھولی بھر بھر دیتے ہیں |
| مالکِ کوثر ہیں میرے مصطفی |
| تشنہ لب کو کاسا بھر بھر دیتے ہیں |
| اک اشارا انگلی کا کر کے نبی |
| چاند کے دو ٹکڑے وہ کر دیتے ہیں |
| دیتے ہیں وہ نعمتیں کونین کی |
| راضی اپنے منگتے کو کر دیتے ہیں |
| مصطفی ستر کی خالی شکمیں |
| دودھ کے اک کاسے سے بھر دیتے ہیں |
| نعت سن کر اپنی وہ حسان سے |
| تو انھیں فرحت میں چادر دیتے ہیں |
| غیر کی چوکھٹ کو عاجز دیکھے کیوں |
| جب اسے سب کچھ ہی سرور دیتے ہیں |
معلومات