| طوفان و تلاطم مرے جذبات کرے ہے |
| وہ بات کرے ہے کہ کرامات کرے ہے |
| دشمن ہے وہ ایسا کہ مدارات کرے ہے |
| یاری میں بھی وہ دشمنوں کو مات کرے ہے |
| کرتا ہوں تقاضاۓ ملاقات جب ان سے |
| ہر بار وہ عیار نئی بات کرے ہے |
| کرنوں کی چمک ہے نہ ہی گھنگھور اندھیرا |
| روشن مرے گھر کو وہ یوں دن رات کرے ہے |
| ہر لہجہ ہے اسکا یہاں پگھلا ہوا شیشہ |
| سانچے میں بھی ڈھل کے وہ خرافات کرے ہے |
| دیوانے ہیں اسکے ہی سبھی رند و سبو کش |
| زاہد کے بھی تبدیل خیالات کرے ہے |
معلومات