| زمینِ کفر پر ایسی لکھی تحریر خواجہ نے |
| بدل ڈالی ہے بھارت کی میاں تصویر خواجہ نے |
| یکا یک زلزلہ آیا اجی ایوانِ باطل میں |
| لگائی جب صدائے نعرۂِ تکبیر خواجہ نے |
| نگاہِ ناز سے جوگی کو عبداللہ کر ڈالا |
| پلٹ دی اس طرح جے پال کی تقدیر خواجہ نے |
| جنازہ کفر کا نکلا صدائے لا اِلہ گونجی |
| چلائی ایسی کفرستان پر شمشیر خواجہ نے |
| ہزاروں آپ کے دستِ مقدس پر کئے توبہ |
| ہے کی بھارت میں جب اسلام کی تشہیر خواجہ نے |
| کرم ہم پر معین الدین اجمیری کا ہے بیشک |
| بڑھائی ہے ہماری عزت و توقیر خواجہ نے |
| درخشندہ تصدق! آج بھی ان سے ہی نسلیں ہیں |
| دلِ تاریک میں ڈالی ہے جو تنویر خواجہ نے |
معلومات