| آزمائش کی گھڑی میں سبھی ہمت دکھائیں |
| جلد بازی نہ کریں، فہم و فراست دکھائیں |
| چالبازی کو سمجھ جائیں، ذہانت دکھائيں |
| نا سمجھ ہم نہ بنیں، عقل و بصیرت دکھائیں |
| اپنے کردار سے شرمندہ عدو ہو جائے |
| بدتمیزی کرے کوئی تو شرافت دکھائیں |
| نرم گفتاری سے دل موم ہوا کرتے ہیں |
| اس تنفر سے ہو بيزاری، محبت دکھائیں |
| پختہ ہو عزم تو بے راہ روی ہٹ جائے |
| ہو سکے ختم بدی، تھوڑی جسارت دکھائیں |
| شیوہ اپنائیں ملنساری کا، ہمدردی کا |
| رشتہ جو قطع کریں، ان سے رفاقت دکھائیں |
| چاک و چوبند جو رہتے ہیں وہ پاتے ناصؔر |
| کاہلیت سے بچیں، اور بشاشت دکھائیں |
معلومات