| دن رات رہنا تکمیل خواب کی لگن میں |
| پائے ثبات ہے رکھنا کوشش و جتن میں |
| احساس ذات نادر، ہے احترام غائب |
| بیکل یہ دل ہوا جاتا ہے اسی چبھن میں |
| یا شوق ہے ادھورا یا پست فہم شاید |
| "کس کس طرح کی باتیں آتی ہیں میرے من میں" |
| ہٹ جائے گی قنوطی، رنج و ملال اک دن |
| پھر لوٹ کر بہاروں کو آنا ہے چمن میں |
| تہذیب ہے یہ گنگا جمنی وطن کی اپنے |
| اشنان ہوتا گنگا میں تو وضو جمن میں |
| بے فیض رہ نہ پائے جو اہل فن ہے ناصؔر |
| ممتاز وہ بنے استعداد سے زمن میں |
معلومات