| نورِ حق سے ساری خلقت اس طرح سے ضوفشاں ہے |
| ہر مکاں میں جلوۂ حق، ہر طرف اک لا مکاں ہے |
| اہلِ صورت تک رہے ہیں رنگِ فانی دہرِ دوں کا |
| دیدۂ دل جانتا ہے عشقِ حق ہی جاوداں ہے |
| قطرہ گر گم ہو ندی میں بحرِ قلزم بن کے ابھرے |
| مٹ کے رہنا خود سے اپنی زندگی کا رازداں ہے |
| ساقیا دے جامِ وحدت مے کشوں کو دم بہ دم تو |
| جس کی لذت سے ہمارا سینہ اب اک گلستاں ہے |
| روشنی جب حسنِ مطلق کی عیاں ہو سر بہ سر اب |
| ہر خس و خاشاکِ عالم رشکِ صدہا کہکشاں ہے |
| عشقِ حق سے مٹ گیا جو اس جہاں میں دل لگا کر |
| با خدا وہ اصلِ ہستی میں سما کر بے نشاں ہے |
| راہِ حق میں سالکا جب خود کو تو نے کھو دیا ہے |
| تیرے دم سے ہی ہویدا شانِ ربِّ کُن فکاں ہے |
معلومات