رنگ تتلی کے میں چراتا ہوں |
تیری تصویر جب بناتا ہوں |
جس کے ہاتھوں میں زندگی اور موت |
اُس کے در پر ہی سر جُھکاتا ہوں |
مجھ سے احساس کا نہ مطلب پوچھ |
ہر دُکھی کو گلے لگاتا ہوں |
چھیڑے سرگم جو تیری یادوں کی |
اک غزل اپنی گنگناتا ہوں |
جب بھی غم کے اندھیرے بڑھتے ہیں |
آس کا اک دیا جلاتا ہوں |
صبحِ ثاقب کے واسطے ہر شام |
ایک سورج اُٹھا کے لاتا ہوں |
آپ سے کس نے کہہ دیا شائم |
سرسوں ہاتھوں پہ میں اُگاتا ہوں |
شائم |
معلومات