اے مرے پاک وطن میرے وطن پیارے وطن
تُجھ پہ قربان مری جان مرے تن من دھَن
تیری خوشبو سے مہکتا ہے مرے دل کا چمن
تیرے نظّارے وہ دریا وہ ترے کوہ و دمن
تیرے صحراؤں میں سونا بھی بنا ہے کندن
لعل و گوہر تری مٹی سے جو نکلے روشن
اے مرے پاک وطن میرے وطن پیارے وطن
تُجھ پہ قربان مری جان مرے تن من دھَن
اے وطن کاش یہ سمجھیں ترے رہنے والے
کون ہیں تیرے لئے جاں سے گزرنے والے
تیری بنیادوں میں میرا بھی لہو شامل ہے
دعویٰ داروں میں ترے آج عدو شامل ہے
دیکھنے کی تجھے کس قوم نے ہمّت کی ہے
ہم نے خوں دے کے تری ایسی حفاظت کی ہے
اے مرے پاک وطن میرے وطن پیارے وطن
تُجھ پہ قربان مری جان مرے تن من دھَن
اے وطن تیری زمیں ہم کو بہت پیاری ہے
جو کٹی تجھ میں سدا اس کا سحر طاری ہے
کیا کریں تیرے مکیں اب نہیں رہنے دیتے
بات سچی تو وہاں پر نہیں کہنے دیتے
حرکتیں ایسی وہاں باعثِ آزار ہوئیں
مسجدیں سامنے تیرے ہیں جو مِسمار ہوئیں
اے مرے پاک وطن میرے وطن پیارے وطن
تُجھ پہ قربان مری جان مرے تن من دھَن
اے وطن تُجھ سے تعلّق تو نہیں چھوڑیں گے
عہد و پیمانِ وفا تجھ سے نہیں توڑیں گے
میرے ایمان کا حصّہ ہے محبّت تیری
دل سے کیسے یہ چلی جائے گی اُلفت تیری
تیری امّیدوں پہ ہم یاس نہ آنے دیں گے
تیرے دشمن کو کبھی پاس نہ آنے دیں گے
ہم تِرے نام کو دنیا میں کریں گے روشن
پھیل جائے گا جہاں بھر میں ہمارا یہ سُخن
اے مرے پاک وطن میرے وطن پیارے وطن
تُجھ پہ قربان مری جان مرے تن من دھَن

0
1463