| رنگ كیسا حضرتِ شبیر کا |
| صِبْغَۃُ اللہ حضرتِ شبیر کا |
| مکھڑا دیکھا وہ نبیِ پاک کا |
| رُخ جو دیکھا حضرتِ شبّیر کا |
| ہر طرح ہے اپنے نانا کی چھوی |
| روپ ایسا حضرتِ شبیر کا |
| دیکھ لیجے حق نمائی آئینه |
| ہے سراپا حضرتِ شبّیر كا |
| ہوگا محشر اور جنت میں سدا |
| بول بالا حضرتِ شبیر کا |
| راج تھا بھی، راج ہے بھی، جان لو |
| راج ہوگا حضرتِ شبیر کا |
| قلبِ مؤمن میں نبی کے ساتھ میں |
| ہے بسیرا حضرتِ شبیر کا |
| دل میں یا رب یہ سدا جاری رہے |
| آنا جانا حضرتِ شبیر کا |
| اس لئے یہ ہر طرح محفوظ ہے |
| "دل ہے شیدا حضرتِ شبّیر کا" |
| قبر سے جب میں اٹھوں میرے خدا |
| منھ دکھانا حضرتِ شبیر کا |
| نور ہے مرشد میں میرے اے ذكیؔ |
| مصطفیٰ کا، حضرتِ شبّیر کا |
معلومات