| سب سے حسین مالا وہ ہی پرو رہے ہیں |
| جو ہجرِ مصطفیٰ میں دن رات رو رہے ہیں |
| ان پر سدا ہیں رہتی رحمت بھری گھٹائیں |
| باغات خلد میں یہ پھل دار بو رہے ہیں |
| جو ہجر کے اثر سے آنکھوں کو تر ہیں رکھتے |
| ہر آن دل کو وہ ہی رحمت میں دھو رہے ہیں |
| بادِ صبا ہے لاتی بطحا سے خوشبو خوشتر |
| جس کے اثر سے بردے یادوں میں کھو رہے ہیں |
| سمرن بنا ہے اِن کا اُن پر صلوٰۃ ہر دم |
| جس کی خوشی سے پیارے دل شاد ہو رہے ہیں |
| جن کی ضیا سے روشن ہستی کے کل کراں ہیں |
| ان کے کرم سے باراں رحمت کے ہو رہے ہیں |
| کب آئیں گے وہ لمحے جب عیدِ دید ہو گی |
| عرضی کے سنگ ہم بھی آنسو سمو رہے ہیں |
| سنتے ہیں دید ان کی ہوتی ہے سپنوں میں بھی |
| ان کے خیال میں ہم روزانہ سو رہے ہیں |
| محمود بھولیں گے کب وہ قبر میں حزیں کو |
| درشن جمالِ جاں کے مرقد میں ہو رہے ہیں |
معلومات