| اے کہ جس کی زندگی تھی رزم کی پرچھائیاں |
| اے کہ جس کی زندگی تھی بزم کی تنہائیاں |
| اے کہ جس کے ذکر سے آباد تھی بزمِ کہن |
| اے کہ جس کی فکر سے تھی بحرِ ہستی موجزن |
| اے کہ جس کی زندگی امید سے تھی مستعار |
| جراتِ پیہم سے تھا جو دہر میں سرمایہ دار |
| اے کہ جس نے روند ڈالا سندھ کے دریاؤں کو |
| غزنی و تبریز کے دشت و جبل صحراؤں کو |
| اے کہ جس سے خوف کھاۓ لشکرِ تاتار بھی |
| اے کہ جس سے کانپ اٹھے جابر و قہار بھی |
| اے کہ جس کی خاکِ پا میں رستم و اسفند یار |
| ذرہ ذرہ جس کے دم سے تھا یہاں جرات شعار |
| اے شبِ نومید میں امید کی روشن کرن |
| جس سے روشن تر ہوئی اسلامیوں کی انجمن |
| کیا قیامت تجھ پہ گزری ہے اے مردِ بے خطر |
| زندگی تیری رہی ہے کارزارِ خیر و شر |
| لحظہ لحظہ ہے ترا افسانۂ عزم و جنوں |
| بزم گاہِ رنگ و بو یا رزم گاہِ خاک و خوں |
| محشرِ روزِ سیہ ہنگامہ ہاۓ چارسو |
| اس پہ تیرا نعرۂ تکبیر ضربِ الا ھو |
| شورشِ تیر و تفنگ میں بانگِ اسرافیل تو |
| شہسوارِ برق رَو ہم پہلوۓ جبریل تو |
| انجمِ گردوں نشیں بھی تیری گردِ راہ تھی |
| ماہ و پرویں کو ترے رفتار کی پرواہ تھی |
| پیکرِ صبر و تحمل خوگرِ جوش و جنوں |
| شمعِ ہستی کو تھی تجھ سے حاصلِ سوزِ دروں |
| بازوۓ تیغ آشنا میں قوتِ لولاک تھی |
| اور نگاہِ آتشیں شمشیرِ آہن چاک تھی |
| لشکرِ چنگیز تیرے سامنے گرد و غبار |
| اے جسارت آفریں اے حوصلوں کے کوہسار |
| یادگارِ عہدِ رفتہ خالدؔ و ضرّارؔ تو |
| عرصۂ پیکار میں شمشیرِ بے زنہار تو |
| ریزہ ریزہ کردیا زنجیرِ عالم گیر کو |
| کرگیا تسخیر تو ناقابلِ تسخیر کو |
| عظمتِ اسلام کی سرحد کا تو کوہِ گراں |
| لشکرِ تاتار پر چھایا صفت سیلِ رواں |
| ہاۓ کیا افتاد آئی بزمِ دل پر ناگہاں |
| ڈھ گیا چشمِ زدن میں بندۂ جرات نشاں |
| آہ ! کہ دادِ شجاعت جس کو خود دشمن نے دی |
| قدر اس کی قوم نے ہی اے دلِ غمگیں نہ کی |
| صبحِ آزادی کو چشمِ نم ترستی رہ گئی |
| ملتِ بیضا پریشاں خواب چنتی رہ گئی |
| رفتگانِ عہدِ رفتہ آفریں صد آفریں |
| خاتمِ اسلام را لعل و گہر ، مہر و نگیں |
| محفلِ ہستی بہ سوزِ اندروں روشن نمود |
| اے چراغِ انجمن افروز اے روشن جبیں |
| ماہ و انجم خاکِ پاۓ رہگزارِ راہوار |
| ذرہ ہاۓ خاکِ تو روشن تر از مہرِ مبیں |
| رونقِ بزمِ جہاں باشد یا شانِ رزم گاہ |
| اے دلِ آشفتہ سر آسودۂ عزم و یقیں |
معلومات