| یہی ہے جستجو ہر دم ثنائے مصطفی لکھوں |
| کبھی سیرت کبھی صورت کبھی ان کی ادا لکھوں |
| قلم کی پیاس بجھتی ہی نہیں آقا کی مدحت میں |
| یہ میری تشنگی ہے یا قلم کا ماجرا لکھوں |
| کہوں طٰهٰۚ تجھے مولا تو عبد اللہ تو نور اللہ |
| مرے مولا تجھے بدر الدجی شمس الضحیٰ لکھوں |
| محب محبوب میں واللہ نہیں کوئی مرا تیرا |
| حبیبِ کبریا کو مالکِ ارض و سمالکھوں |
| نبوت کے چمن میں آپ ہیں ایسا گلِ زیبا |
| رسالت کا تجھے خاتم امام الانبیاء لکھوں |
| طفیلِ حضرتِ حسان و جامی رب نے دی نعمت |
| عتیق اس نعمتِ رب کو متاعِ بے بہا لکھوں |
معلومات