| آسماں پہ ہر ستارہ ایک سا |
| ہر سمندر کا کِنارا ایک سا |
| چاہتوں میں شِدّتیں بھی ایک سی |
| چاہتوں میں ہے خسارا ایک سا |
| ہجر میں پائی فقیری ایک سی |
| وصل میں موسم گذارا ایک سا |
| پیار کی ہر اِک تلاوت ایک سی |
| پیار کا ہر ایک پارا ایک سا |
| میرے بچّوں میں نہ یوں تفریق کر |
| ہر کسی کو دے غبارہ ایک سا |
| تم نہ میرے ہمنوا ہو گے کبھی |
| دل ہے میرا اور تمھارا ایک سا |
| سب نے مانؔی زندگی کے بھیس میں |
| جو بھی دھارا رُوپ دھارا ایک سا |
معلومات