| اے وطن تجھ پہ تن من یہ دھن سب فدا |
| مرد تو مرد ہیں، تجھ پہ زن سب فدا |
| میرے ماں باپ اور اقربا سب مرے |
| اپنے ہوں غیر ہوں یا سجن سب فدا |
| اے وطن تجھ پہ تن من یہ دھن سب فدا |
| آسماں بحر و بر وادیاں سب حسیں |
| رنگ و بو باغ گلشن چمن سب فدا |
| زن کے ہاتھوں پہ دھاگا ہرا خوشنما |
| سبز دھاگے پہ باقی ربن سب فدا |
| اے وطن تجھ پہ تن من یہ دھن سب فدا |
| لاکھوں اشعار عمدہ نہیں بے قدر |
| اے وطن شاعروں کے جتن سب فدا |
| نثر عباسؔ کی ہو کہ ہو شاعری |
| ذات میری نہیں تجھ پہ فن سب فدا |
| اے وطن تجھ پہ تن من یہ دھن سب فدا |
معلومات