| کسی سے مجھ کو بے انتہا محبت ہے |
| جو روز مانگ رہا ہوں دعا محبت ہے |
| خلوص قلب ہے محور مری محبت کا |
| یہ عشق دل ہے مرا ، دلربا محبت ہے |
| خزاں ہے دور مرے دل کے آشیانے سے |
| بہار نو میں یہ آب و ہوا محبت ہے |
| ہے منتظر مری چشم وفا اسی کے لئے |
| مرا نصیبِ سکوں اے خدا محبت ہے |
| کوئی ہوس کا پجاری بنا ہوا ہے یہاں |
| کسی کے واسطے خیر و جزا محبت ہے |
| فسونِ حسن سے پاگل سا ہوگیا ہوں میں |
| مریض عشق ہوں میری دوا محبت ہے |
| فرازؔ اس نے ہے مانگی دلیل الفت میں |
| جگر کے خون سے ہم نے لکھا محبت ہے |
معلومات