| ختم ہونے لگی ہے تنہائی |
| آنکھ میری خوشی سے بھر آئی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کم سنی میں تجھے محبت ہے |
| خوب ہو گی تری پذیرائی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کون مرتا ہے کب کسی کے لئے |
| بات میری سمجھ میں اب آئی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اس لئے بھی اُداس رہتا ہوں |
| مجھ سے روٹھا ہوا ہے اک بھائی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نام لکھ کر ترا ہواؤں پر |
| مَیں نے ہر ایک سانس مہکائی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آ رہا ہے قریب تر کوئی |
| دل میں بجنے لگی ہے شہنائی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُنس بڑھنے لگی ہے وحشت سے |
| مار ڈالے کہیں نہ تنہائی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| قتل و غارت ہے اس قدر مانی |
| جسم بے چین روح گھبرائی |
معلومات