| لمحہ بھر کی بات ہے |
| چارہ گر کی بات ہے |
| دشت و در کی بات ہے |
| میرے گھر کی بات ہے |
| کارگر کی بات ہے |
| اِک شرر کی بات ہے |
| غیر سے بات آپ کی |
| یہ ضرر کی بات ہے |
| بے وفا بیداد گر |
| دردِ سر کی بات ہے |
| جس کی اِک حد ہے کمر |
| اُس بھنور کی بات ہے |
| مجھ سے وہ آزُرْدَہ ہیں |
| نامہ بر کی بات ہے |
| عشق میں کارِ وفا |
| دل جگر کی بات ہے |
| آج کل کا عشق وِشق |
| رات بھر کی بات ہے |
| غم اُتارا شعر میں |
| بس ہنر کی بات ہے |
| وصل کچھ مشکل نہیں |
| چشمِ تر کی بات ہے |
| وہ خدا ہونا تِرا |
| جُھکتے سر کی بات ہے |
| ہجر اِک دو دن نہیں |
| عمر بھر کی بات ہے |
| حالتِ دل بدلے گی |
| اِک نظر کی بات ہے |
| ہم قفس سے اُڑ گئے |
| بال و پر کی بات ہے |
| دکھ، مصیبت، سنگ، خار |
| رہگُزر کی بات ہے |
| راز شاہدؔ کب کُھلا |
| یہ سحر کی بات ہے |
معلومات