| سنگِ اتمامِ دشنام بھی ہو چکا۔۔ |
| لیجے آپ کا کام بھی ہو چکا۔۔ |
| شہر بھر میں مرا نام بھی ہو چکا۔۔ |
| اب کہ آغاز و انجام بھی ہو چکا۔۔ |
| شوق کی رہ میں ناکام بھی ہو چکا۔۔ |
| اور میں بادہ آشام بھی ہو چکا۔۔ |
| اب کوئی التجا ہے نہ کوئی گلہ۔۔ |
| حیف اصرار و ابرام بھی ہو چکا۔۔ |
| حکم تھا آپ کا جو، بجا لایا میں۔۔ |
| یعنی پابندِ احکام بھی ہو چکا۔۔ |
| رنج و غم، وہ نئے زخم ہر روز کے۔۔ |
| یہ تماشاۓ ایّام بھی ہو چکا۔۔ |
| بے خودی، بے کلی میں مزہ ہے کہ میں۔۔ |
| خوگرِ تابِ آلام بھی ہو چکا۔۔ |
| زخم گہرے ملے تھے جو، وہ بھر گئے۔۔ |
| ہجر شمشیرِ گلفام بھی ہو چکا۔۔ |
| جو غرور آپ کا تھا اسے ہے زوال۔۔ |
| دیکھیے مجھ کو آرام بھی ہو چکا۔۔ |
| مٹ گیا ہے دماغی خلل بھی مرا۔۔ |
| بس کہ کہرام و سرسام بھی ہو چکا۔۔ |
| کوئی شکوہ نہ کچھ حاجتِ نامہ بر۔۔ |
| زیبؔ اتمامِ پیغام بھی ہو چکا۔۔ |
معلومات