| جلوہِ کردگار پِھرتے ہیں |
| مہر و مہ خوشگوار پِھرتے ہیں |
| لاکھوں گُل خواستگار پِھرتے ہیں |
| وہ سوئے لالہ زار پِھرتے ہیں |
| تیرے دن اے بَہار پِھرتے ہیں |
| دیں سے ہو کے فَرار پِھرتے ہیں |
| کھو کے اپنا وَقار پِھرتے ہیں |
| دیکھیے! اہلِ نار پِھرتے ہیں |
| جو تِرے در سے یار پِھرتے ہیں |
| دربدر یوں ہی خوار پِھرتے ہیں |
| کیسے مذہب نَزار پِھرتے ہیں |
| دل میں رکّھے نِقار پِھرتے ہیں |
| نادم و شرمسار پِھرتے ہیں |
| جو تِرے در سے یار پِھرتے ہیں |
| دربدر یوں ہی خوار پِھرتے ہیں |
| کتنے لطف و مَزے لِیے ہم نے |
| کتنے ہی اچھے دن جِیے ہم نے |
| جام بَھر بَھر کے تو پِیے ہم نے |
| آہ کل عیش تو کِیے ہم نے |
| آج وہ بے قَرار پِھرتے ہیں |
| رکھتے ہیں حق ہَماری جانوں پر |
| چلتے ہیں مہر و مہ اِشاروں پر |
| اُن کی شاہی ہے سب زَمانوں پر |
| اُن کے اِیما سے دونوں باگوں پر |
| خیلِ لیل و نہار پِھرتے ہیں |
| مصطفیٰ کے دَیار پر قدسی |
| گنبدِ نور بار پر قدسی |
| جائے رحمت شعار پر قدسی |
| ہر چراغِ مزار پر قدسی |
| کیسے پروانہ وار پھرتے ہیں |
| قہر و اُفتاد مجھ سے کیوں نہ ڈریں |
| کیسے قدسی نہ مجھ پہ رشک کریں |
| جو عدو ہیں مِرے بَتا دو اُنہیں |
| اُس گَلی کا گَدا ہُوں مَیں جس مِیں |
| مانگتے تاجدار پِھرتے ہیں |
| کچھ نہیں دو جَہاں کے جلووں مِیں |
| خوش ہُوں طیبہ کے ریگزاروں مِیں |
| دل مِرا کیا لَگے بَہاروں مِیں |
| پھول کیا دیکھوں میری آنکھوں مِیں |
| دشتِ طیبہ کے خار پِھرتے ہیں |
| رات دن کا وجود واں پہ کَہاں |
| کوئی بھی کام آئے گا نہ وہاں |
| سوچ کر کانپتے ہیں جسم و جاں |
| واۓ غافل وہ کیا جگہ ہے جہاں |
| پانچ جاتے ہیں چار پھرتے ہیں |
معلومات