| دل کے بھیدوں کو کوئی سمجھا ہے |
| یہ سمندر بہت ہی گہرا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جِن کی آنکھوں کا خواب ٹُوٹا ہو |
| اُن کا لہجہ اُداس ہوتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کیوں ہوا آ کے بین کرتی ہے |
| دشت میں جانے کون روتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہر طرف تم دکھائی دیتے ہو |
| دور جا کے بھی مَیں نے دیکھا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میری دنیا ہے تیری آنکھوں میں |
| تیری آنکھوں میں سب ہی رکھا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُس نے شاید مجھے پکارا ہو |
| زور سے آج دل یہ دھڑکا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| طُور سے اک صدا سنائی دے |
| رات بھر خواب مَیں نے دیکھا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| راہِ حق ہر بشر کو دِکھلائی |
| ہر برے کام سے ہی روکا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| زندگی خواب ہے فقط مانی |
| اب کہیں جا کے میں نے جانا ہے |
معلومات