| جب کوئی خال خال جانتا ہے |
| وہ مرا بال بال جانتا ہے |
| لب ہلانا بھی کیا ضروری ہیں |
| جب دلوں کا وہ حال جانتا ہے |
| عزّتِ نفس کا کِیا سودا |
| عزّتوں کو وہ پال جانتا ہے |
| مجھ پہ آیا جو ترس پوچھے وہ |
| اور کیا کیا کمال جانتا ہے |
| کون کیسی نظر سے دیکھے گا |
| اُس کا حسن و جمال جانتا ہے |
| عشق اور وہ بھی میں کروں اس سے |
| کیا ہے میری مجال جانتا ہے |
| رابطہ ٹوٹ ٹوٹ جاتا تھا |
| ہو گیا ہے بحال جانتا ہے |
| اب تو چاروں طرف نجیبوں کا |
| پڑ گیا کیسا کال جانتا ہے |
| کوئی چلتا نہیں بہانہ اب |
| ہے یہ کتنا محال جانتا ہے |
| خوف اس کو کوئی نہیں ہوتا |
| صرف اس کو جو ڈھال جانتا ہے |
| فکرِ دنیا کرے گا وہ کیونکر |
| اس کا سب جان و مال جانتا ہے |
| کام آتی ہے اس کی ستّاری |
| ہر کوئی اپنا حال جانتا ہے |
| وہ جو نغمہ سرا ہو سب سُن لیں |
| سُر وہ سارے وہ تال جانتا ہے |
| طارق آؤ کریں کہے جو وہ |
| ورنہ سب قیل و قال جانتا ہے |
معلومات