| بطحٰی میں مُصطفیٰ کا، دربار دیکھیں گے |
| رحمت کے ہم برستے، انوار دیکھیں گے |
| دل سیر کب ہے ہوتا، اک بار دیکھ کر |
| سو بار دیکھیں گے ہم، ہر بار دیکھیں گے |
| خاکِ شفاء ہے مٹی، باغِ یار کی |
| لیتے شفا نبی سے، بیمار دیکھیں گے |
| قُربِ درِ حبیبی، سب کی ہے آرزو |
| میری طرف بھی میرے، دِلدار دیکھیں گے |
| اِک خواب آئے ایسا، دیکھوں رُخِ حبیب |
| یاران مصطفیٰ سے، گُفتار دیکھیں گے |
| اللہ کرے ملے اب ایسی نظر ہمیں |
| جس سے حبیبِ رب کا، دیدار دیکھیں گے |
| روضہء مُصطفیٰ کا، منظر حسین ہے |
| ہم جالیوں سے لِپٹے سرشار دیکھیں گے |
| انسانیت کے مُحسن، میرے نبی ہیں بَس |
| ہم رحمتوں کے ان سے انبار دیکھیں گے |
| ہم دست بستہہ ہوں گے، ان جالیوں کے پاس |
| مسجد میں بیٹھے، حسنِ مختار دیکھیں گے |
| مِلنے جو جائیں گے ہم، عمِّ رسول سے |
| لیٹے وہاں بنی پر، نثار دیکھیں گے |
| فضلِ خدا سے ہمدم، محمود کو وہاں |
| مسجد میں مصطفیٰ، مسرور دیکھیں گے |
معلومات