| حقیقت کو سمجھ سکتے نہیں جو لوگ جاہل ہیں |
| بتوں سے مانگنے والے مرادیں کتنے پاگل ہیں |
| طلاطم خیز موجوں میں سفینہ دیکھ کر میرا |
| به اندازِ تماشائی تبسم خیز ساحل ہیں |
| مری آنکھوں کے نیلے آسماں کو غور سے دیکھو |
| جہاں برسات ہی برسات ہے بادل ہی بادل ہیں |
| یقینا ایک دن سجدہ کریں گے گھر کی چوکھٹ پر |
| جو پتھر راہ میں دیوار کی مانند حائل ہیں |
| سمجھ بیٹھا تھا جن کو غیر جانب دار غلطی سے |
| مری رسوائی میں عاصم برابر کے وہ شامل ہیں |
معلومات