| فدائے سیدِ مرسل بڑے مسرور رہتے ہیں |
| وہ راضی بر رضائے حق خطا سے دور رہتے ہیں |
| شہے سلطاں کے نوکر ہیں نہیں دیگر سے کچھ ناطہ |
| پئے وہ جام وحدت کے زہے مخمور رہتے ہیں |
| نہیں فکریں انہیں رہتیں کسی امروز و فردا کی |
| مگر دامن ہمیشہ ہی عطا سے پور رہتے ہیں |
| وصالِ یار کی خاطر کئے سودے دلوں کے ہیں |
| نبی کی یاد میں دائم دلِ غیور رہتے ہیں |
| غنیٰ ان کے دلوں کو جب جمالِ یار دیتا ہے |
| سجے چہرے ہیں جو ان کے گراں پُر نور رہتے ہیں |
| فلاح ان کو ملے ہر جا حریمِ رحمتِ حق سے |
| کہاں سینے غلاموں کے غموں سے چُور رہتے ہیں |
| سنو محمود عشقِ جاں عنایت ہے غلاموں پر |
| فدا فرضِ محبت پر سدا معمور رہتے ہیں |
معلومات