| قیادت کا عَلَم تھامے ہوئے ہوں |
| شہادت کا قلم تھامے ہوئے ہوں |
| عجب کیا ہاتھ میں ان کے ہیں پتھر |
| صداقت لا جَرَ م تھامے ہوئے ہوں |
| نہ جانے کیا دیا جائے گا فتویٰ |
| کلیسا میں حرَم تھامے ہوئے ہوں |
| ہے پیاسی روح مانگے یہ تو زمزم |
| مگر میں جامِ جم تھامے ہوئے ہوں |
| وہ اخلاقِ کریمانہ جو سیکھے |
| ہوئے ہیں جو عدَم تھامے ہوئے ہوں |
| لکھوں گا بات سچی اور کہوں گا |
| کہ دامانِ حکَم تھامے ہوئے ہوں |
| وطن کی مجھ سے آتی ہے جو خوشبو |
| وہ رشتے دم بدم تھامے ہوئے ہوں |
| مجھے مٹی سے اپنی ہے محبّت |
| وہیں اپنے قدم تھامے ہوئے ہوں |
| یہ اشکوں کا سمندر بہہ نہ جائے |
| ہوئی ہے آنکھ نَم تھامے ہوئے ہوں |
| سنی جائے گی طارق آہ و زاری |
| وہ چوکھٹ صبح دم تھامے ہوئے ہوں |
معلومات