نہ عزت نہ دولت نہ زر کی تمنا |
حزیں دل میں ہے ان کے در کی تمنا |
بنوں مصطفیٰ کے چمن کا میں بلبل |
جو لے جائے اس جا ہے پر کی تمنا |
فضا طیبہ کی بڑا خوب منظر |
دکھا دے جو بطحا بصر کی تمنا |
یہ عکسِ جمالِ خدا کے لیے ہے |
بسی دل میں بھی اس دہر کی تمنا |
ذرا ساتھ میرے اے عشقِ نبی چل |
تو بن جا ہے زادِ سفر کی تمنا |
ہو نامِ نبی لب پہ وقتِ نزع بھی |
دعا میں ہے ہمدم اثر کی تمنا |
کہاں ہے چھپا دل میں محمود شکوہ |
مگر ہے نہاں ان کے در کی تمنا |
معلومات