| کیا پڑی تھی میں اُسے صرف اشارہ کرتا |
| نام لے کر میں اُسے کیوں نہ پکارا کرتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اس لئے تُجھ سے کِنارہ ہی مجھے کرنا تھا |
| کب تلک تیری محبت میں خسارہ کرتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| یہ تو اچھا ہی ہوا مر گیا مزدور کوئی |
| اتنی مہنگائی میں کیسے وہ گذارہ کرتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| بن کے سایہ وہ مرے ساتھ سفر کرتا ہے |
| بھر گیا دل تو یہ لازم تھا کنارا کرتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُس کے چھونے سے مہک اٹھتی ہیں انکھیں میری |
| اپنی چاہت سے ہمیشہ ہی نکھارا کرتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تجھ کو خوش ہوتا ہوا دیکھ کے خوش ہوتا مَیں |
| جیت کر تجھ سے ہمیشہ ہی میں ہارا کرتا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اپنی تقدیر سے لڑ سکتا نہیں مَیں مانؔی |
| ہاتھ میں ہوتا مقدر تو سنوارا کرتا |
معلومات