کَنڈیاں وِچّوں بچ بچا کے لنگھ دا جیہڑا پار |
اوہو ای سجن رب دا لوکو، رب وی اوہدا یار |
ِشکر دوپہرے ٹُر دے ٹُر دے اسی جے چھاویں بیہہ گئے |
کِیہ کرنا اے ایتھے لمّاں ، چوڑا کاروبار |
لوکیں یار مناؤن دی خاطر ، کر دے جتن بتھیرے |
رب نوں راضی کرن لئی پھڑ ، توبہ دا ہتھیار |
دنیا دے چکراں وچ پے کےجِنھیں سُرت گوائی |
لنگھ جاندا اے ویلہ جد ، اوہ روندا زار و زار |
سوچ سمجھ کے بولیں اڑیا رب دے بندیاں نال |
بول کوئی جے اُچّا بولے ، رب دی کھاندا مار |
طارق تینوں مِلن لئی سب ، نِکے وڈھے آئے |
اَگے وَدھ ، گل اونہوں نال لا لَے ، جیہڑا دیندَا پیار |
معلومات