| مدینے کی بہاروں میں جئے جانا جئے جانا |
| نظارے سبز گنبد کے لئے جانا جئے جانا |
| زمانہ زخم دیتا ہے پشیماں تم نہیں ہونا |
| سمجھ کے سنتِ نبویﷺ سئے جانا جئے جانا |
| جہاں سارا اگر تجھ کو مٹانے کی کرے کوشش |
| فقط اُنﷺ سے محبت تم کئے جانا جئے جانا |
| اگر دنیا یہ تجھ پہ تنگ کر دے زندگی تیری |
| انہیںﷺ تحفے درودوں کے دئے جانا جئے جانا |
| مرے آقاﷺ بلائیں گے مدینے حاضری ہوگی |
| تو جامِ الفتِ نبویﷺ پئے جانا جئے جانا |
| میاؔں اُنﷺ پہ فدا کر کے یہ مال و زندگی اپنی |
| عطا تجھ کو کریں جو کچھ لئے جانا جئے جانا |
| میاؔں حمزہ |
معلومات