| ہوا فضل ہم پر یہ رب العلیٰ کا |
| بنایا ہمیں امتی مصطفی کا |
| مرا یہ ہے ایماں کہ ایماں کی جاں ہے |
| ذکر پیارے آقا حبیبِ خدا کا |
| ترے پا بنے تاج عرشِ معلی |
| عجب رتبہ دیکھا ترے نقش پا کا |
| سوالی کبھی در سے خالی نہ آیا |
| جمایا ہے سکہ تمہاری عطا کا |
| نہ دیکھا سخی تیرے جیسا کہیں بھی |
| تجھی سے ملا راستہ اک خدا کا |
| مٹے دیکھے عاشق تری ہر ادا پر |
| سدا حق ادا کرتے ہیں وہ وفا کا |
| عتیق اب نہیں کوئی حاجت کسی سے |
| بڑا مان رکھتے ہیں وہ اس گدا کا |
معلومات