| خیال و تجسس کی دنیا مٹا دوں |
| سبھی حالتِ ہوش اپنی گنوا دوں |
| ارادہ کیا ہے مرے دل نے ہر بار |
| حکایت تمہیں دل کی آ کر سنا دوں |
| قفس کھولنے سے ہوں عاجز وگرنہ |
| پرندے مرے شوق کے سب اڑا دوں |
| ہرے رنگ سے بھر دوں دنیا تمہاری |
| نئے پھول آنگن میں تیرے کھلا دوں |
| میں کر دوں حنا کو مقدر تمہارا |
| تمہاری ہتھیلی پہ خود کو سجا دوں |
| ستاروں کی بارات لاؤں ترے گھر |
| اندھیروں کی ہر شام کو جگمگا دوں |
| مرے دل کو تیری کمی کھل رہی ہے |
| اجازت ہو تو کیا یہ دوری گھٹا دوں |
| تمہیں لکھ دیا صورتِ نظم میں نے |
| میں شاعر ہوں تم کو کیا اور وفا دوں |
| رقیہ تمہیں دیکھ کے مسکراتا |
| مرے دل نے چاہا تمہیں اور دعا دوں |
معلومات