| نہیں مجال کہ تجھ سے کبھی گلہ میں کروں |
| تری عطاؤں پہ بس شکر ہی ادا میں کروں |
| تری نگاہِ کرم بس مرا بھرم رکھ لے |
| ترے حضور اے مولا یہی دعا میں کروں |
| مرے گناہ پہ پردہ ہے تیری رحمت کا |
| تو کس طرح تری رحمت کا شکریہ میں کروں |
| کوئی بھی وقتِ ضرورت جو کام آ نہ سکے |
| سوا خدا کے کسی سے نہ التجا میں کروں |
| گناہ گار ہوں مولا خطا کا پتلا ہوں |
| معاف کرنا مجھے جب کوئی خطا میں کروں |
| میں شرم سار ہوں دامن میں نیک کام نہیں |
| خدا کی ذات کا کس منہ سے سامنا میں کروں |
معلومات