| عدو آنکھوں کے تیری سامنے ڈھاتا قیامت ہے |
| اگر چاہے تو اس کو روک دے تجھ کو یہ طاقت ہے |
| مرے مولا ترے ہاتھوں میں عزّت اور ذلّت ہے |
| تو پھر کیوں غیر کے ہاتھوں ہوئی رُسوا یہ ملّت ہے |
| تباہی میں تری امّت کی شامل ہے تری مرضی |
| سمجھ آتا نہیں اس ظلم کی کیونکر اجازت ہے |
| مگر تاریخ دیکھیں تو بتاتی ہے یہی پیارو |
| خدا کے پاک لوگوں کو خدا سے آتی نصرت ہے |
| وہ خود دشمن کے ہاتھوں ہی چڑھا دیتی ہے پھانسی پر |
| جلاتی ہے ڈبوتی ہے بناتی لاش عبرت ہے |
| یہ بندہ بھول جاتا ہے کہ توبہ کی طرف آئے |
| غضب میں وہ جو دھیما ہے بشر اس کی ہی خلقت ہے |
| نظر دنیا میں دو ڑا ؤ یہ دیکھو کس کو دنیا میں |
| تراجم کر کے قرآں پیش کرنے کی سعادت ہے |
| ہمارا کام طارق ہے فقط آواز دے دینا |
| وہ آخر کار خود آئے گا جس کی نیک فطرت ہے |
معلومات