| سادہ پُر حکمت کلام ایجاز تھا |
| حسن اور احسان کا غمّاز تھا |
| اس کے بچپن کا ابھی آغاز تھا |
| نیک فطرت کا ہوا دمساز تھا |
| گر چہ حکمت سے بھرا انداز تھا |
| سچ کی بچپن سے رہا آواز تھا |
| اس نے جانا نغمۂ تو حید ہی |
| نغمہ ہائے زندگی کا ساز تھا |
| جانتا تھا اس کی ہے کیا کیا سزا |
| بولنے سے سچ نہ آیا باز تھا |
| اس کے آگے ہو کے خالص جھک گیا |
| وہ خدا کی راہ کا جانباز تھا |
| زندگی جدّ و جہد کا نام ہے |
| پا گیا وہ زندگی کا راز تھا |
| خود خدا اس کی وفا پر ہے گواہ |
| وہ خدا کا بندۂ ممتاز تھا |
| آل میں اس کی محمّد کا شمار |
| یہ خلیل اللہ کا اعزاز تھا |
| آگ میں ڈالا گیا طارق مگر |
| اس پہ ٹھنڈی ہو گئی اعجاز تھا |
معلومات