| درِ مصطفیٰ گر ٹھکانہ ہے تیرا |
| مقدر ملا جو یگانہ ہے تیرا |
| بنا ذکرِ دلبر زباں کی جو زینت |
| ملے کامرانی بہانہ ہے تیرا |
| بڑی راہیں سیدھی سخی آل کی ہیں |
| نبی جی یہ نوری گھرانہ ہے تیرا |
| ہوئی جان واری اگر آلِ جاں پر |
| سدا جو رہے گا زمانہ ہے تیرا |
| رہے گا دکھوں سے پرے تو اے ہمدم |
| حسیں نامِ نامی ترانہ ہے تیرا |
| گدائی ملی گر نبی مصطفیٰ کی |
| فروزاں جہاں میں فسانہ ہے تیرا |
| ہے محمود مدحت جو گنجِ سخا کی |
| یہ اعلیٰ دہر میں خزانہ ہے تیرا |
معلومات