| صبا خوشبو کہیں اُس کی دریچے سے چُرا لائی |
| خوشی سے آب دیدہ دل نے کی اس کی پذیرائی |
| مرا دل کیوں نہ ہو بے چین جاؤں میں اسے ملنے |
| فلک پر دیکھنے مسرور کو قوسِ قُزَح آئی |
| زمانے بھر کے لوگوں نے گواہی دی ہے کوئی بھی |
| نہیں ہے اس سے بڑھ کر آشتی کا جگ میں شیدائی |
| وہ سچ کہنے سے گھبراتا نہیں دربار میں جا کر |
| نہ دامن گیر ڈر اس کو نہ کوئی خوفِ رُسوائی |
| جہاں کے بادشاہ اُٹھ کر اُسے تعظیم دیتے ہیں |
| کہاں جھوٹوں کو ملتی ہے بھلا یہ عزّت افزائی |
| مریضوں کے لئے اک درد مندانہ ادا اس کی |
| جہاں تک ہو سکے کرتا ہے وہ سب کی مسیحائی |
| پلائے چاہت و عرفانِِ رب بانی کی مے اکثر |
| اسی کے میکدے سے ہم تو رکھتے ہیں شناسائی |
| ہے طارق بھی انہی دیوانوں میں شامل ہوا کب سے |
| ہوئے اہلِ خرد ہیں عشق میں اس کے جو سودا ئی |
معلومات