| اظہار ہوں کسی کے حسنِ خیال کا |
| یا عکس ہوں کسی کے جاہ و جلال کا |
| میں کون ہوں کہاں سے آیا ہوں اس جگہ |
| کیوں میں ہی مستحق تھا ایسے وبال کا |
| عادت سی ہوگئی ہے بے سود مجھ کو کیوں |
| رکھنا حساب روز و شب، ماہ و سال کا |
| ہر بات ان کی جزوِ ایمان ہو گئی |
| عادی نہیں ہوں اس میں قیل اور قال کا |
| جب حسن ہم سخن ہو تو بحث کس لئے |
| قائل ہوں اس قدر میں حسنِ مقال کا |
| وہ دور جا کے دل میں کچھ اور بس گئے |
| قصہ ہوا تمام اب ہجر و وصال کا |
| پت جھڑ میں بات کیجئے فصلِ بہار کی |
| اور دیکھئے کرشمہ ذوقِ جمال کا |
معلومات