| صلے علیٰ بطحا سے ہوا مانگ رہا ہوں |
| میں تجھ سے عطا میرے شہا مانگ رہا ہوں |
| غم خوار ہوں لا چار ہوں پامال ہوا ہوں |
| ہو کرم سخی میرے پیا مانگ رہا ہوں |
| قدموں سے ملے دھول ذرا، سرمہ مجھ کو |
| پھر دیکھے نظر، اس سے سدا، مانگ رہا ہوں |
| ہو نامِ محمدﷺ پہ جو قربان یہ جینا |
| اس ناطے مجھے آئے بقا مانگ رہا ہوں |
| دیکھوں میں سدا صلے علیٰ حسن کو تیرے |
| دے نور جو ایسا، وہ ضیا، مانگ رہا ہوں |
| دن رات حزیں دل میں رہے یاد نبی کی |
| ہو من میں سوا ذکر و ثنا مانگ رہا ہوں |
| ناکارہ ہوں عاصی ہوں خطا کار گِرا ہوں |
| محمود! نہ ہو مجھ کو سزا مانگ رہا ہوں |
معلومات