| ابتدا: |
| تیرا حُسن ابھی خُرد سال ہے |
| میرا عشق یہ کُہنہ سال ہے |
| تیرا حُسن بے پر و بال ہے |
| میرا عشق جیسے بلاؔل ہے |
| تیرا حُسن آساں سوال ہے |
| میرا عشق مُشکل خیال ہے |
| تیرے حُسن کی کیا مجال ہے |
| میرا عشق کیا پختہ ڈھال ہے |
| وسط: |
| تیرا حُسن تو بے مثال ہے |
| میرا عشق بھی لا زوال ہے |
| تیرا حُسن نورِ جمال ہے! |
| میرا عشق بھی با کمال ہے |
| تیرا حُسن ہر دم نِہال ہے |
| میرا عشق کیوں پُر ملال ہے |
| تیرا حُسن چُھپنا مُحال ہے |
| میرا عشق تو خود بے حال ہے |
| انتہا: |
| تیرا حُسن چُنتا وہ جال ہے |
| میرا عشق تو یرغمال ہے |
| تیرا حُسن گو سودِ مال ہے |
| میرے عشق پے اک وبال ہے |
| میرے عشق کرنا وِصال ہے |
| تیرا حُسن مجھ پے حلال ہے |
| اپنے حُسن کو لے حسیں سنبھال |
| میرے عشق کو آ رہا جلال! |
| ---------٭٭٭--------- |
معلومات